MTV Plain Jane: Louise Roe.

Nire ustez, Louise Roe estilo, begikortasun eta talentuaren nahaste ezin hobea da. 30 urteko ingalaterrako neska hau iadanik estilista, Elle UK eta Vogueko erredaktorea, E! Entertainment-ko aurkezlea izatea lortu du. Gainera, 'The City'-n parte hartu zuen, eta orain programa berri bat dakartzagu MTV-n, Plain Jane izenekoa.

Plain Jane programa entretenigarria da ikusteko eta niri asko gustatzen zait. Ordu erdi baino ez du iraunten eta neska anonimo batzuen barneko eta kanpoko aldaketak erakusten ditu haien beldurrak gainditzeko eta haien mutilari deklaratzeko gai izateko... Ez du sekreturik, baina oso entretenigarria da.

Lehenik eta behin neskarekin hitz egiten du eta honek esaten dio nor den maite duen mutila. Orduan, Louisek mutilari deitzen dio eta itsu-hitzordu bat eskatzen dio, neska ez delako gai mutilari esateko benetan maite duela. Honek baietz esaten du eta aldaketak hasten dira. Neskek dituzten
segurtasun-gabeziak atzean uzteko, proba batzuk egiten dizkie; jausgailutik botatzea, erleak dauden leku batetik eztia atera.. nesken gaitasun-gabezien arabera.

 

Segurtasun pertsonala lortu eta gero, erosketak egitera eramaten ditu, eta haien looka hoberera aldatzen du. Arropa berriarekin hobeto sentitzea nahi du Louisek eta moda zer den irakasten die.  Gainera, neskek duten gorputzarekin pozik egotea lortzen du. Gero, ile-apaindegira eramaten ditu  hitzordura polit-polit joan daitezen.

Programaren bukaeran, hitzordua baino lehenago makilatzeile profesional batek apaintzen ditu eta azkenik, Louisek aukeratu duen soinekoa jartzen du neskak. Azkenean, 'itxuraldaketa' bukatu eta badaude prest hitzordura joateko, haien gustoko mutilarekin. Hitzordua terraza polit batean edota etxe handi baten patioan izan ohi da eta ailegatu da ordua deklaratzeko. Onartuko al du?

Programa ikustera gonbidatzen zaituztet ostiraletan 21:30h, MTV. Horrela, imaginatzen dugun bitartean estilista batek erabat aldatuko gaituela, Louiseren lookak ikus ditzazkegu, udaberri honetarako apropos-aproposak!